مسابقة جديدة اسبوعية

السلام عليكم

طبعا انا بعد مالاحظت انكم حبيتوا دروس المكياج بتاعتي فقلت نخليها بقى مسابقة بس مش مرة واحدة بس

لأ دي هاتكون كل اسبوع

طب المسابقة عبارة عن ايه يا سما؟

-----------------------------------------------

المسابقة عبارة عن اني هاجيب ليكم صورة مكياج انا عاملاه مكياج عيون او مكياج عادي و ممكن ساعات يكون مكياج حقيقي او مكياج من تصميمي

بس مش لازم تكون بنفس الألوان يعني ممكن بألوان تانية

و عشان ابقى اسهلها عليكم هاكتب ليكم الخطوات كمان

و المشتركات مش اقل من خمسة و لا اكتر من عشرة

طب و الجوائز هاتكون ايه؟

----------------------------------------------

الجوائز هاتكون مقدمة من صاحبة المدونة نرمين

لو كانت الفائزة سوبر نرمين هاتشتري من بازارها بـ200 كوينز

و لو كانت عضوة عادية نرمين هاتبعتلها هدية قيمة بدولارز

كدة هاشوف تعليقات كتيرة على الموضوع عشان تشتركوا

-------------------------------------------

اكيد بتقولوا دلوقتي يلا عاوزين نشوف المكياج

طيب عشان ماطولش عليكم ادي صورة المكياج

و الخطوات:

1-حطي آي شادو في طرف العين كدة و حطي كمان حتة صغيرة تحت زي الآي لاينر كدة

2-حطي آي شادو بلون تاني في النص و حطي حتة بردوا تحت كدة

3-حطي لون تالت من الآي شادو في المنطقة المتبقية كدة

4-و اخيرا حطي الماسكارا

كدة الخطوات سهلة و المكياج واضح

عاوزة بقى اشوف تعليقات و روابط كتيرة على الموضوع ده
ملحوظة:مسموح باشتراك الكاتبات

تحياتي

مكياج ازرق بسيط للعيون(حقيقي)

مساء الخير عليكم يا قمرات

امبارح كنت فرحانة اوي بتعليقاتكم على الدرس

و دلوقتي عملتلكم درس مكياج حقيقي بردوا

بس للعيون

و ادي الصورة

و الخطوات:

1-حطي قلم آي شادو تركواز فاتح من دوت كدة

2-حطي الآي شادو الأبيض فوق التركواز كدة

3-حطي الآي لاينر الأزرق من دوت تحت العين بس

و أخيرا حطي الماسكارا

و طبعا المكياج ده ينفع معاه لبس ازرق رقيق و روج احمر او وردي

اتمنى ان المكياج ده يعجبكم

تحياتي

درس مكياج بسيط حقيقي

السلام عليكم

ازيكم؟عاملين ايه؟

النهاردة جهزتلكم مكياج جديد بس حقيقي

و ادي الصورة

و الخطوات:

1-حطي أي شادو وردي فاتح من لوكس طبقتين و سيبي منطقة صغيرة مش محطوط فيها آي شادو عشان البنفسجي زي الصورة

2-حطي طبقتين من الآي شادو البنفسجي من لوكس في المنطقة الفاضية من العين

3-حطي الماسكارا

4-حطي روج وردي فاتح من دوت

5-حطي الليب جلوس من لوكس

-----------------------------------------------------

و بكدة خلص الدرس

اتمنى انه يكون عجبكم

تحياتي

درس مكياج(اصفر و برتقالي و بني)

السلام عليكم

النهاردة عندنا درس مكياج بني و برتقالي و اصفر على العضوة as.rose

خلينا نشوف الصورة و الأدوات و بعدين الخطوات

و الخطوات:

1-حطي الآي شادو الأصف و سيبي منطقة مش محطوط فيها آي شادو عشان نكمل المكياج

2-حطي الآي شادو البرتقالي في منطقة صغيرة تحت كدة

3-حطي الآي شادو البني فوق البرتقالي كدة

4-حطي الآي لاينر الأبيض

5-حطي الآي لاينر السائل الأسود

6-حطي الماسكارا

7-حطي البلاشر البرتقالي

8-حطي الروج البني

9-حطي الليب جلوس

10-خلي لون شعرك بني او اصفر

و بكدة خلصنا المكياج بتاع النهاردة

كمان ممكن اعمل مكياج تاني النهاردة

اتمنى ان الاتنين يعجبوكم النهاردة

تحياتي

***سما*** 

درس مكياج(ابيض و اسود)

السلام عليكم

ده المكياج التاني بتاع النهاردة

و هايكون مكياج ابيض و اسود

و عاملاه على aynana

و دي الصورة و الادوات

و الخطوات:

1-حطي الآي شادو الأبيض

2-حطي الآي شادو الأسود في منطقة صغيرة من العين كدة

3-حطي الآي لاينر الأبيض

4-حطي الآي لاينر السائل الأسود

5-حطي البلاشر الوردي الفاتح

6-حطي الروج الوردي الفاتح

7-حطي الليب جلوس

8-اختاري الشعر ده او اي شعر تحبيه و خليه اسود

-----------------------------------

كدة خلص الدرس بتاعنا

اتمنى انه يعجبكم

تحياتي

***سما***

درس مكياج(وردي و بنفسجي)

صباح الخير يا بنات

الأول بعتذر لأني مانزلتش مكياج من ايام

و ده اصلا عملته امبارح بس عشان الوقت كان متأخر و انا بنزله

و دلوقتي هانزله

و كمان هاعوضكم بدرس مكياج تاني النهاردة

المهم خلينا في مكياجنا اللي عملته على kalabeshna

و دي الصورة و الادوات

و الطريقة:

1-حطي الآي شادو البنفسجي في نص العين كدة

2-حطي الآي شادو الوردي في النص التاني

3-حطي خط صغير من الآي شادو الأبيض عشان يدي شوية تفتيح في المنطقة اللي فوق

4-حطي الآي لاينر البينك

5-حطي الآي لاينر السائل الأسود

6-حطي الماسكارا

7-حطي البلاشر البينك

8-حطي الروج الوردي

9-حطي الليب جلوس

10-اصبغي شعرك بالصبغة البنفسجي

11-اختاري الشعر ده و حطي ماسكارا الشعر باللون الوردي على المنطقة دي

-------------------------------------

و بكدة خلص مكياجنا

اتمنى ان المكياج يعجبكم

و انتظروني النهاردة في مكياج تاني

تحياتي

***سما***

درس مكياج(احمر)

مساء الخير يا احلى بنات

امبارح بعد مالقيت ان اول مكياج عملته عجبكم فده شجعني على الاستمرار

و النهاردة عملت درس مكياج احمر على  mano-moon

اتمنى يعجبكم

دي صورة المكياج و الادوات طبعا

و دي الخطوات:

1-حطي الآي شادو الاحمر على نص العين كدة

2-حطي الآي شادو الاحمر الغامق(العنابي)على النص التاني

3-حطي الآي لاينر الأبيض

4-حطي الآي لاينر السائل الأسود

5-حطي الماسكارا

6-حطي البلاشر الأحمر

7-حطي الروج الأحمر

8-حطي الليب جلوس

9-اصبغي شعرك باللون الاحمر اللي من مجموعة مس ستار وورلد او خليه اسود

----------------------------------

كدة خلصنا درس المكياج بتاعنا النهاردة

اتمنى انه يعجبكم و اني اشوف عليه تعليقات

تحياتي

***سما***

درس مكياج بني و برتقالي(للبشرة السمراء)

النهاردة هايكون اول درس مكياج ليا في المدونة

و هانبدأ بالبشرة السمراء

و عملت الدرس على ashleesoul

و دي الصورة و الادوات

و الخطوات:

1-حطي الآي شادو البني في نص العين كدة

2-حطي الآي شادو البرتقالي في النص التاني من العين

3-حطي الآي لاينر البني

4-حطي الآي لاينر السائل الاسود

5-حطي الماسكارا

6-حطي البلاشر البني

7-حطي الروج البني

8-اصبغي شعرك بصبغة بني من مجموعة مس ستاردول وورلد او خلي شعرك بلون بني

اتمنى ان الدرس يكون عجبكم

(ملحوظة:اغلب المكياج ده كان موجود في ستاردول زمان و البنات القدام بس هما اللي عندهم المكياج ده)

تحياتي

***سما***